GUIMBAL, ILOILO – Ginakasubo ni Iloilo 1st District Representative Janette Garin nga may nagpositibo sa coronavirus disease 2019 sa Guimbal, Iloilo.
Sa interview sang Bombo Radyo kay Rep. Garin, iya ginpahayag nga apisar may yara na sang kaso sang covid-19 ang probinsya, kinahanglan nga indi mag panic ang publiko.
Sa pagkamatuod suno kay Garin, wala sang nagakadapat nga kabalak-an bangud umpisa subong nga adlaw, ginhatagan na sang go signal nga mag operate ang Western Visayas Medical Center Laboratory.
Pahayag niya, ginalantaw na sang mga specialist ang mga nabilin nga pasyente nga bag-o lang nakuhaan sang sample.
Sa tanan nga na expose sa 65 anyos nga pasyente nga nag positibo sa covid 19, importante ang hugot nga self quarantine.
Base man sa mga kakilala ni Garin nga mga doktor, ang home quarantine ang wala sang epekto sa diin nagakadapat nga iseparar ang pamilya agud nga indi malatnan.
Dugang pa sang natungdan, agud nga indi na maglapta pa ang virus, ang ginaduso niya kaupod nanday Iloilo Gov Arthur Defensor Jr. kag Iloilo City Mayor Jerry Treñas amo ang pag convert sang Western Visayas Medical Center sa isa ka COVID-19 hospital.
