ILOILO CITY – Ginabanta nga naglab-ot sa masobra 300 ka mga motorista ang na-stranded sa Brgy. Sarapan, Passi City bangud sang tagalumapaw nga tubig baha sa kalsada.
Sa interview sang Bombo Radyo kay Sarapan, Passi City Punong Barangay Santos Panizales, iya ginpahayag nga ang mga motorista ang naghalin sa syudad sang Iloilo, sa Capiz, Bacolod kag Aklan.
Suno kay Panizales, las-singko kahapon sang hapon sang ginpauntat na ang pagpatabok sang mga salakyan bangud sang madalom nga tubig.
Nagbinuligay naman ang mga pumuluyo sa lugar agud nga makaluto sang pagkaon para sa mga strandees.
Ginabanta nga nagdangat sa isa ka kilometro pa ang ginlapaw sang tubig baha nagikan sa suba.
