ILOILO CITY – Natigayon na nga ma-evacuate ang tanan nga kababainhan, kabataan kag mga tigulang nagikan sa Azovstal steel plant.
Suno kay Ukraine Deputy Prime Minister Iryna Vereshchuk, ang mandu sang presidente nga humanitarian operation sa Mariupol ang natapos na. ‘
Suno naman kay Mykhailo Vershynin, chief sang Mariupol Patrol Police, wala sang insidente nga natabo kadungan sang evacuation efforts.
Nagapadayon naman ang pagpugong sang Russian forces sa suldado sang Ukraine sa sulod sang planta kag ginagamitan sang artillery kag tank fire sa ila assault operations.
Sa pinakaulihi nga report, nagdangat pa sa masobra isa ka gatos ang sibilyan sa sulod sang planta kag 700 ang mga suldado kag kalabanan diri ang mga pilason.
