Nagdangat na lang sa 1,214 ka mga pulis ang wala pa nabakunahan batok sa COVID-19 sa Police Regional Office (PRO) VI.
Sa interview sang Bombo Radyo kay Police Lt. Col Arnel Solis, spokesperson sang PRO VI, iya ginpahayag nga as of August 31, 2021, yara na sa 91.77 ang percentage sang mga pulis nga nakabaton na sang bakuna batok sa COVID-19.
Suno kay Solis, sa kabug-usan nga 13,549 ka mga pulis sang PRO VI, nagsaka na sa 6,933 ang numero sang mga fully vaccinated, kag 5, 441 naman ang numero sang mga nakabaton na sang first dose.
Ginpat-od man sang natungdan nga bag-o magtakop ang bulan sang Septyembre, mahimo nga maubos na bakunahan ang tanan kabug-usan nga pulis sa PRO VI.
