Masobra tunga na sa mga pumuluyo sang Barangay Sablogon, Passi City ang nabakunahan batuk sa COVID-19.
Sa interview sang Bombo Radyo kay Punong Barangay Narciso Payas, iya ginpahayag amat-amat na nga na-realisar sang mga tawo nga kinahanglan gid ang pagpabakuna subong nga mga tinion bangud sa padayon nga pagsaka sang kaso sang COVID-19 sa probinsya sang Iloilo.
Suno kay Payas, isa man sa mga ginalantaw rason sang pagbaylo sang desisyon sang tawo nga sadto anay nagapangindi magpabakuna, amo ang numero sang mga tawo subong nga interesado nga magbaton sang COVID-19 vaccine.
Dugang pa sang punong barangay, may yara man sang vaccine rollout nga ginapatigayon sa mga kabarangayan sa Passi magluwas lang sa ila barangay bangud malapit lamang ini sa banwa sa diin accessible ang pagpabakuna.
