ILOILO CITY– Gin-athag sang Iloilo City Police Office nga yara lang sa isa ka distrito ang mga nadakpan nga nag-ilinom kadungan sang paglift sang liqour sa syudad sang Iloilo kahapon nga adlaw.
Ini matapos liwat nga ginpatuman ni Iloilo City Mayor Jerry Treñas ang liqour ban sa syudad bangud man sa pila ka mga insidente nga nagkalatabo.
Sa interview sang Bombo Radyo kay Police Captain Shella Mae Sangrines Spokesperson sang Iloilo City Police Office, iya ginpahayag nga madamo sang impormasyon ang ila nabatun nagikan sa mga concerned citizen,apang ang apat na gidlamang ka insidente nga ginrespondehan sang mga pulis sa distrito sang jaro angn natigayun nga malakip sa blotter.
Suno kay Sangrines, may mga reports man sila nga nabatun nagikan sa iban nga distrito kag sang ila ginvalidate, wala na sang naabutan pa ang mga kapulisan.
Mahimo suno kay Sangrines nga ang pagbalik sang alkalde sang liqour ban ang santo man sa close monitoring sini sang mga nagakalatabo sa syudad sang Iloilo, sa diin posible nakalab-ot sa iya igtalupangod ang mga impormasyon nga madasig kag timprano pa naubos ang stocks sang mga ilimnon sa syudad.
Samtang sa pihak nga bahin, igamonitor man nila ang baligyaanay snag ilimnon sa syudad bangud madamo ang nagabaligya sang mga ini sa tuman ka mahal nga presyo.
Posible man suno sa iya nga magapatigayun sila sang entrapment operation sa mga nagabaligya sang tuman ka mahal nga mga ilimnon,
Dugang pa sang natungdan, may nadakpan na sila nga nagahimo sang nasambit nga buluhaton.
