ILOILO CITY – Kinahanglan nga may yara sang ideya ang mga konsumidor kun paano mahibaluan nga safe ukon indi ang baboy nga ginabakal.
Sa interview sang Bombo Radyo kay Simplicio Subaldo, officer in charge sang Iloilo Slaughterhouse, iya ginpahayag nga kun magbakal baboy ang mga tawo, kinahangalan nga lantawon sini kun bala may yara sang meat inspection certificate ang baligyaan.
Suno kay Subaldo, may yara sang koordinasyon ang Iloilo Slaughterhouse sa City Veterinary Office sa diin may yara sang task force on african swine fever nga gintukod nga amo ang nagalantaw sang backyard nga baboy amo man sa mga hog raiser.
May yara man sang inspector nga nakabantay agud tsekyaron ang mga baboy nga ginadala sa slaughterhouse.
Pahayag niya, ang mga baboy nga ginadala sa slaughterhouse ang hugot nga ginatsekyar sa diin ginapangitaan ini sang dokumento sang inspector agud nga masiguro nga ASF-free ang baboy.
Dugang pa sang natungdan, nagaplano amn ang City Veterinary Office nga may personnel nga magalibot sa mga barangay sa syudad agud nga tsekyaron ang mga baboy nga gina-ihaw apang wala naga-agi sa slaughterhouse.
