Makatol, masapnot kag nagapalamula ang panguna nga senyales sang sakit sa supat nga ang tawag amo ang eczema.
Suno kay Dr. Liza Ramoso-Ong, isa ka internist kag espesiyalista sa sakit sa supat, madasig nga nagakapilas kag nagapula ang palibot sang nagabukol-bukol nga rashes ang ginatunaan sang balatian nga eczema.
Sa masami mga kabataan ang nagakaangkon sang nasambit nga balatian apang indi ini makalalaton.
May yara naman sang tatlo ka sahi sang eczema.
Ini amo ang atopic, infantile kag dermatitis.
Panugyan sang eksperto, indi nagakadapat nga kaluton ang supat bangud mahimo ini nga maimpeksyon kag mas maglala pa ang pagkatol sini nga mahimo makabatyag sang pagkahapdi kag makaangkon sang pilas.
Kinahanglan man nga likawan ang paggamit sang habon ukon cream ilabi na kun nagakapilasan na ang supat.
Ipakonsulta na gilayon sa dermatologist ukon espesyalista sa supat agud mahatagan sang nagakaigo ng pagbulong.
