ILOILO CITY – Pangkakason ang mga nagalukot nga wirings sang telecommunication companies kag ang mga poste nga nagasablag sa dalan lakip man ang mga gabok nga poste sang kuryente.
Sa interview sang Bombo Radyo kay Iloilo City Councilor Ely Estante, iya ginpahayag nga napasar na ang resolusyon nga nagamando sa telecommunication companies nga amat-amaton na sa pagkakas kag himos ang mga nagalinukot wiring lakip man ang mga poste sang kuryente nga nagasablag sa dalan bangud ini ang nagatuga sang huol sa mga motorista.
Isa sa halimbawa suno kay Estante amo ang natumba nga poste sang kuryente sa distrito sang Jaro sang tinalikdan lang nga bulan.
Ang ginpasar nga resolusyon sa Iloilo City Council ang may kaangtanan man sa ginapatigayon nga Oplan Hawan.
