Nagapanawagan sa Iloilo City Government ang mga nagapanag-iya sang ginsirado nga mga negosyo sa syudad Iloilo.
Ini matapos gindumilian ang operasyon sang tanan nga non-essential establishments kaangay sang fitness studios, gyms, spas, swimming pool kag iban pa nga kalingawan nga aktibidad kasunod sang pagpaidalom sa syudad sa modified enhanced community quarantine (MECQ) status nga magalawig sa Hunyo 15.
Sa interview sang Bombo Radyo kay Joel Alcon, nagapanag-iya sang isa
ka Salon and Spa sa syudad sang Iloilo, iya ginpahayag nga kuntani hatagan man sila sang kahigayunan nga mag-operate bisan one on one system lang sa pagbaton sang kustomer.
Suno kay Alcon, tuman ka dako na ang ila nga napyerde bangud sa asud-asud nga pagpauntat sang ila nga negosyo sang nag-umpisa ang pandemya.
Ginpahayag ni Alcon nga kuntani pasugtan lamang sila nga magbukas sa diin pat-od man nga mangin mahinalungon kag magasunod sila sa tanan nga health protocol bangud sila mismo nga tag-iya ang nagakahangawa man nga matapikan sang COVID-19.
Hingyo sang natungdan sa gobyerno, hatagan man kuntani sila sang igtalupangod kag nagakaigo nga bulig.
