ILOILO – Padayon pa nga ginamonitor sang Iloilo Police Provincial Office (IPPO) ang pagpatigayon sang bulang sa probinsya sang Iloilo.
Sa interview sang Police Colonel Gilbert Gorero, director sang IPPO, iya ginpahayag nga ‘hands-on’ sila sa pagmonitor sang mga bulang sa kada banwa sang Iloilo kasunod man sang pagsuspende sang pagpatigayon sang cockfighting operations tubtob sa Abril 4 santo sa Resolution No. 103 nga gin-isyu sang Inter-Agency Task Force for the Management of Emerging Infectious Diseases (IATF).
Suno kay Gorero, may yara sila sang Local Monitoring Team sa kada munisipalidad nga amo ang wala untat nga nagamonitor kag nagadakop sa mga nagapatigayon sang bulang.
Ginpahayag ni Gorero nga masami nila nga madakpan ang mga nagapustahanay kag nagapatigayon sang bulang sa suludlon nga mga lugar sa diin nagapinalagyo pa ang mga ini kun mag-abot sila.
Apang suno kay Gorero masami man nila nga madakpan ang mga nagapatigayon sang iligal nga bulang.
