ILOILO CITY – Wala sang dapat isaulog ang mga ginakabig nga narco politicians sa siyudad sang iloilo kasunod sang ila pagdaug sa nanari-sari nga posisyon sa ginpatigayon nga barangay kag Sangguniang Kabataan (SK) election.
Suno kay Philippine Drug Enforcement Agency (PDEA) regional director Wardley Getalla, ginarespeto nila ang nangin resulta sang piniliay apang wala ini nagakahulugan nga untatan na nila ang pag-ayam sa natungdan nga mga opisyal.
Pahanumdom ni Getalla, una pa lang nga hugnat sang listahan ang ginpaguwa sang PDEA central office.
May 274 pa sila nga ginsumite suno kay Getalla nga karon gina-validate na sang ila mga kaupdanan.
Sa karon ginahulat na lang sang PDEA ang masunod nga hugnat sang listahan sang mga ginakabig nga narco politicians sa diin nalakip diri indi lang ang natumod sa siyudad sang Iloilo, kundi sa bug-os nga Rehiyon 6.