Madamo na sang nagpadulong sa Mandurriao Catholic Cemetery agud magbisita sa ila minatay sang nagligad nga Sabado kag Dominggo.
Sa interview sang Bombo Radyo kay Reynaldo Regalado, sepulturero sang nasambit nga patyo, iya ginpahayag nga kadam-an sa mga nagpadulong sa patyo ang nagapatinlo gid kag nagapa-pinta sang pantyon sang ila mga minatay.
Suno kay Regalado, yara sa P400 tubtob P500 ang ila sukot sa pagtinlo dala na sa pagpinta sang mga pantyon.
Gin-ako niya nga umpisa sang naglupok ang pandemya, nangin pigado na ang ila nga kita ipaanggid sang una nga wala pa sang restrictions kag bukas gid ang mga patyo kun pista minatay.
