MELBOURNE, AUSTRALIA – Ginadala sa Christmas Island isa ka Australian external territory ang mga tawo nga nagpositibo sa Coronavirus Disease 2019 sa pungsod Australia agud nga i-quarantine.
Sa interview sang Bombo Radyo kay Lyn Capanas Olivarez direkta sa Melbourne, Australia, iya ginpahayag nga sa iya pagpadulong sa mga grocery stores agud kuntani magbakal sang harina kag bugas, iya ginkakibot nga wala na sang unod ang mga shelves.
Suno kay Olivarez, may yara sang panic-buying sa subong bangud sa coronavirus scare.
Pahayag niya, ang mga tawo sa Australia ang nagapangumpra na sang ila mga konsumohon nga pagkaon agud nga indi na maguwa pa sa ila tagsa ka mga balay bangud sa kakugmat nga malatnan sang COVID-19.
Dugang pa sang natungdan, ginapauntat man sang gobyerno ang mga pagtililipon sa lugar agud malikawan ang paglapta sang virus.
