ILOILO CITY – Naglab-ot sa 75 ang nakabaton sang cash assistance sa idalom sang Social Amelioration Program sa Brgy. Magsaysay, Iloilo City.
Sa interview sang Bombo Radyo kay Barangay Kagawad Catalino Palomo, iya ginpahayag nga 77 ang nalakip sa listahan sang benepisyaryo apang ang 75 lang ang nakabaton sang cash assistance.
Suno kay Palomo, ang isa ka benepisyaryo ang disqualified samtang ang isa naman ang na-stranded sa Guimaras.
Ginpahayag ni Palomo nga ang ginpasulabi sa Social Amelioration Program amo ang mga tuman ka pigado.
Samtang, nagapasalamat naman si Josie Anoche Amar, isa sa mga benepisyaryo, sa iya nabaton nga cash assistance.
Suno kay Amar, bilog nga P6,000 ang iya nabaton kag iya ini nga gamiton sa pagbakal sang iya pang adlaw-adlaw nga kinahanglanon.
Ginpahayag ni Amar nga ang pagbaligya lamang sang kape ang iya palangabuhi-an kag daku na nga bulig ang iya nabaton nga kantidad.
