Naglapaw na sa 1.5 Million ka mga indibidwal sa Probinsya sang Iloilo ang nakaparehistro na para sa 2022 elections.
Sa interview sang Bombo Radyo kay Atty. Elizabeth Doronila, Provincial Director sang Commission on Elections (COMELEC), iya ginpahayag nga bag-o ang deadline sa Septyembre 30 sang pagparehistro, ginatinguhaan sang probinsya nga ma-cater ang tanan nga botante nga indi pa rehistrado.
Kapin 50,000 na lang suno kay Doronila ang pumuluyo sa probinsya nga wala pa nakaparehistro.
Nahibaluan nga kada Lunes tubtob Byernes, las 8:00 sang aga tubtob las 5:00 sang gab-i ang voter registration sa probinsya.
Apang sa tion nga magnubo na sa General Community Quarantine ang status sang probinsya, iga-extend tubtob las 7:00 sang gab-i kada Lunes tubtob Byernes ang voter registration sa probinsya.
Kada Sabado kag holiday naman, las 8:00 tubtob las 5:00 man gihapon sang hapon ang pag-cater sa mga luyag magparehistro.
