Nagsaka na sa 85 ang na-report nga mga napatay bangud sa pagsalakay sang Severe Tropical Storm Kristine.
Suno kay Office of Civil Defense (OCD) administrator Undersecretary Ariel Nepomuceno, ila sa gihapon iga-validate kon ang gintunaan sang kamatayon sang 85 ka mga indibidwal bangud gid man sa epekto sang damlag lang nga bagyo.
Ginpahayag man sini nga ang mga napatay ang madasig nga nagdamo bangod ang mga data ang naga-amat-amat na sulod.
Halin sa 81, may yara na karon sang 85 nga ginreport nga napatay.
Suno sa opisyal sang OCD, ginalauman nila nga madugangan pa ang numero sang fatalities bangud may yara sang 41 ka mga indibidwal ang nagapabilin nga missing.
May 70 naman ka mga indibidwal nga napilasan kag ini nga numero mahimo nga magdugang man.
Suno kay Nepomuceno, madamo sa mga casualty ang nabiktima sang landslide, kag ang iban bangud sa pagbaha.
Suno sa National Disaster Risk Reduction and Management Council (NDRRMC), may yara sang 158 ka mga lugar nga tubtob subong ang nagdeklarar sang state of calamity bangdod sang Bagyo Kristine.
Lakip sa mga lugar nga ginpaidalom sa state of calamity amo ang Batangas, sa diin 54 ang napatay, 18 ang napilasan, kag 21 ang missing suno sa kapulisan.
Pito ka mga barangay sa Libon, Albay, samtang nagapabilin nga isolated tubtob Sabado bangud sang pila ka mga landslide.
Ang Department of Public Works and Highways nagsiling nga 21 ka mga national roads ang sirado gihapon sa trapiko kasunod sang pagsalakay sang Severe Tropical Storm Kristine.
