ILOILO CITY–Lunsay nag-angkon sang patal nga pilas sa lawas ang mga napatay nga sanday dismissed SPO4 Nerio “Ricky” Salcedo kag Nixon Salcedo Jr.
Ini matapos nga na-autopsy na ang bangkay sang duha matapos napatay sang ginpatigayon ang raid sa ila balay sa Sara, Iloilo.
Sa interview sang Bombo Radyo kay Dr. Nicasio Butin, medico Legal Officer sang National Bureau of Investigation (NBI)-6, iya ginpahayag nga lunsay naka-angkon sang multiple gunshot wound sanday SPO4 Salcedo kag hinablos nga si Nixon Salcedo Jr.
Santo sa pag-autopsy ni Dr. Butin, bisan pa nga gindala gilayon sa ospital ang duha, indi gihapon sila matabangan pa bangud sa mga patal nga pilas nga ila naangkon.
Indi pa mabulgar ni Dr. Butin kun diin partikular nga naigo ang duha apang iya ginpromisa nga iya igapatpat sa autopsy report ang tanan nga detalye.
Nagpaathag si Dr. Butin kun nga-a limitado lamang ang iya ginhatag nga impormasyon bangud nga may yara pa sang patigayunon nga crime scene investigation agud mahibalu-an kun nakabato ukon wala ang duha ka Salcedo.
Ginapahayag nga apat ang igo ni SPO4 Salcedo sa dughan samtang ang kay Nixon Salcedo Jr. naman ang may tatlo ka igo sa dughan kag isa sa likod.