Ginkumpirma sang Spanish investigators nga naglab-ot na sa 45 ang patay sa Espanya matapos magbungguanay ang duha ka high speed nga tren sang nagligad nga semana.
Ginakaulamiran ang aksidente sang duwa ka tren nga Renfe kaq Iryo kun sa diin nagkadto sa pihak nga bahin sang riles ang tren nga Iryo.
Base sa pa-imbestigasyon, nakit-an sang mga imbestigador ang duha pa gid ka bangkay nga grabe nga naaapektuhan samtang masobra 120 naman ang nasamaran.
Kadam-an sa mga nagakalaamatay amo ang mga Espanyol, samtang tatlo naman ang naghalin sa Morocco, Russia, kag Germany.
Nagdala naman ini sang kahangawa sa iban nga pasahero bangud ginsundan pa ini sang iban pa nga mga insidente sa tren sa nagkalain-lain nga bahin sang pungsod.
Ginpatuman naman sang gobyerno sang Espanya ang strikto nga panawagan kag pag-implementar sang nagkalain-lain nga tikang agud malikawan ang nasambit nga mga disgrasya.
