BAKHAW, MANDURRIAO, ILOILO CITY– Nakabatun na sang bulig gikan sa Iloilo City Government ang mga nasunugan sa Barangay Bakhaw Mandurriao Iloilo City.
Sa interview sang Bombo Radyo kay Juna Alidron, CSWDO Officer sang Mandurriao District, iya ginpahayag nga nahatagan na sang bulig ang mga residente nga naapektuhan sang nagluntad nga sunog.
Suno kay Alidron, ang relief goods nga nabatun sang mga apektado sang sunog ang ginalakipan sang 25 ka kilo sang bugas tagsa ka pamilya, 15 lata nga sardinas, 15 ka beefloaf, 15 ka pork and beans, 15 ka sausage, duha ka habol, duha ka sleeping matt, isa ka moskitiro, kag isa ka gallon sang tubig.
Pahayag pa ni Alidron, ginaproseso palang sa subong ang cash assistance nga igahatag sang syudad sa mga residente.
Dugang pa niya, ang iban ang nagdesisyon nga magpadulong sa ila tagsa ka himata sa amo man nga barangay agud temporaryo nga didto mag-estar.
Nahibaluan nga 15 ka mga balay ang totally damage, samtang lima naman ang partially damage sang nagluntad ang sunog sa nasambit nga barangay.
