𝗜𝗟𝗢𝗜𝗟𝗢 𝗖𝗜𝗧𝗬 – Nagapawanagan sang bulig ang mga residente nga nasunugan sa Barangay Rizal, Lapuz Sur, Iloilo City.
Sa interview sang Bombo Radyo kay Ruth Guco, isa sa mga nasunugan, iya ginpahayag nga kuntani maghatag sang konsiderasyon ang tag-iya sang duta pinaagi sa paghatag sang relocation site.
Suno kay Guco, nakibot na lang ini sang ginpahibalo sila nga indi na sila mahimo makabalik sa ila gintiniran nga duta.
Ginpahayag sini nga sa subong, wala sila sang istaran sa diin tuman kabudlay sa ila nga mag-umpisa sa liwat.
Nahibaluan nga nagdangat sa P1.2 million ang balor sang kahalitan sang nagluntad nga sunog sa diin isa ka senior citizen ang napatay.
Sa subong temporaryo nga nagatinir sa Jalandoni Memorial Elementary School ang mga biktima sang sunog.
