𝗜𝗟𝗢𝗜𝗟𝗢 𝗖𝗜𝗧𝗬 – Temporaryo nga nagatinir sa Barangay Hall kag sa bag-o nga Health Center ang mga nasunugan sa Barangay Tacas, Jaro, Iloilo City.
Sa nasambit nga sunog, 24 ka mga balay ang totally burned kag lima naman ang partially burned.
25 ka pamilya ukon 93 ka mga indibidwal ang naga-istar sa totally burned nga mga balay.
Lima naman ka pamilya ukon 22 ka mga indibidwal ang naga-istar sa partially burned nga mga balay.
Sa interview sang Bombo Radyo kay Punong Barangay Joseph Poral, iya ginpahayag nga nagpalab-ot naman sang ayuda ang Iloilo City Government sa mga nasunugan.
Suno kay Poral, padayon pa nga ginahibalo sang Bureau of Fire Protection ang gintunaan sang sunog kag ang balor sang mga nagkalaupos nga propedad.
