ILOILO CITY- Temporayo nga nag-estar sa ila mga kaparyentihan ang mga nasunugan sa Zone 1 Barangay Tanza Esperanza Iloilo City Proper.
Sa interview sang Bombo Radyo kay Punong Barangay Wilbur Orada, iya ginpahayag nga 20 ka mga pamilya ang apektado sa diin 10 sa mga ini ang tag-iya samtang 10 man ka pamilya ang nagaserbe sharers.
Suno kay Orada, sa balay ni De Oca naghalin ang sunog nga nagtupok sa mga kaiping nga kabalayan.
Pahayag pa ni Orada, gintuad man ni De Oca nga nagluta siya sang pamahaw sang aga, apang ginsiguro man niya nga wala sang may nabilin nga kalayo.
Wala nakapanghimos sang ila gamit suno kay Orada ang apat ka mga balay nga totally damage bangud man sa paglapta sang kalayo.
Dugang pa ni Orada naghatag man sang assistance sa mga nasunugan ang City Social Welfare and Development Office.
Nahibaluan nga napuhag ang mga pumuluyo sang nasambit nga barangay bangud sa gulpyada nga sunog.
