Isa mga mga masami nga napabay-an nga parte sang lawas amo ang kamot nga ginagamit adlaw-adlaw sa nagkalain-lain nga trabaho.
Gani, naghatag sang panugyan si Aikee Ocampo, managing director sang hand kag foot wellness.
Suno kay Ocampo, pila sa mga nagaguba sa kamot amo ang mga trabaho sa sulod balay kaangay sang masami nga paghugas sang pinggan kag paglaba nga rason sang dryness, brittleness kag pagkaguba sang mga kuko.
Bilang solusyon sa mga nasambit nga problema, naghatag si Ocampo sang mga natural nga pamaagi agud mabalik ang pagkalum-ok kag pagkabakod sang kapoy nga mga kamot.
Sa moisturizing, mahimo nga gamiton ang kalamay, gata kag suha.
Simpunon ang tatlo nga mga nasambit kag ipahid sa kamot sa sulod sang 10 ka minuto kag bunlawan.
Para naman sa Whitening, maggamit sang Fresh milk ukon powdered milk, Lemon ukon kalamansi juice kag Baking soda.
Simpunon ang mga mga ini kag imasahe man sa kamot.
Putson ang kamot sa cling wrap sa sulod sang 10 ka minuto kag bunlawan.
Para naman sa pagpabakod sang mga kuko, gamiton lang ang coconut oil kag ahos.
Simpunon ang tanan, itusmog ang mga kuko sa sulod sang lima ka minuto.
