ILOILO CITY – Nagpaandam ang Iloilo City Government sa mga negosyante nga wala nagabutang sang barrier sa ila mga establisyemento.
Sa exclusive interview sang Bombo Radyo kay Jeck Conlu, spokesperson sang COVID-19 team sa syudad sang Iloilo, iya ginpahayag nga nagakadapat nga magsunod indi lang ang dalagko nga mga restaurant kundi mangin man ang mga karinderya magbutang man sang barriers.
Katuyuan sini suno kay Conlu nga malikawan ang pagsaka sang kaso sang COVID-19.
Magluwas sini, iya man ginpahanumdom ang pagpatuman sang sa pagdumili sa pag-inom sa mga bars kag restaurant.
Ini ang santo man sa pagsulundan sa Inter-Agency Task Force on the Management of Emerging Infectious Diseases.
Gin-athag man sang natungdan, nga apisar ginadumilian ang pag-inom sang makahulubog nga ilimnon sa pampubliko nga lugar apang tubtob lang alas sais sa gab-i.
Dugang pa nga ang mga bars kag retso nga luyag magbukas kag magserbe sang pagkaon ang nagakadapat mag re-apply sang permit sa Business permits and licensing office sa Iloilo City Hall.
Magalawig naman tubtob sa katapusan sang Nobyembre ang closure sang mga bars rason nga indi ini mabantayan sang mga pulis.
