ILOILO CITY – Gina-imbestigaran na sang kapulisan sa Guimaras ang ginapahayag pagpangilkil sa mga negosyante sa nasambit nga probisyon.
Sa interview sang Bombo Radyo Iloilo, ginkumpirma ni Guimaras Provincial Police Office (GPPO) director S/Supt. Louis Garong nga ginpadal-an sang extortion letter ang mga dalagko nga negosyante sa Guimaras.
Indi magnubo sa P1 million ang ginapangayo nagikan sa mga negosyante.
Apang nagpamalibad ang opisyal nga hingadlan kun ano nga grupo ang sa likod sang pagpangilkil agud indi magtuga sang kakulba sa mga pumuluyo sang Guimaras.
Gin-athag naman ni S/Supt. Garong nga indi miyembro sang New People’s Army ang sa likod sang pagpangilkil sa mga negosyante sa Guimaras.