Ginkalipay sang mga negosyante kag karinderya owners ang mahalog nga quarantine restrictions sa syudad sang Iloilo.
Sa interview sang Bombo Radyo kay Edwin Conquilla, Karinderya Owner sa syudad, iya ginpahayag nga mas nagadamo na subong ang sulod sang ila kustomer bangud 60% na ang ginapahanugutan sa indoor dining sa idalom sang General Community Quarantine (GCQ) status.
Suno kay Conquilla, kuntani magpadayon na ang pagnubo sang quarantine status sa syudad bangud humalin sang nag-umpisa ang pandemya, apektado na ang ila nga kita.
Para naman sa isa pa ka Karenderya Owner, halos wala pa nakarekober ang iya negosyo apisar naghalog na ang mga pagsulundan sa syudad sang Iloilo.
Sa interview sang Bombo Radyo kay Manang Alnor, iya ginpahayag nga kasunod sang pagpaidalom sa syudad sa GCQ, nagsaka man ang presyo sang halos tanan nga balaklon.
Ini man ang rason suno sa natungdan kun ngaa todo tinguha man sila, agud nga makarekober sa ila nga kita.
