ILOILO CITY- Amat-amaton sang Iloilo City Government ang pagpadamo sang economic activities sa Syudad sang Iloilo.
Ini may kaangtanan sa pagpabilin sang syudad sa General Community Quarantine status sa Nobyembre.
Sa interview sang Bombo Radyo kay Iloilo City Mayor Jerry Treñas, iya ginpahayag nga plano niya nga tugutan ang operasyon sang 24- hour convenience stores kag fastfood chains kag amo man ang mga delivery services.
Suno sa iya, ini agud nga amat-amat man nga makabangon ang ekonomiya sang syudad nga lubos nga naapektuhan bangud sang COVID-19 pandemic.
