Mga NUP suportado ang kaangay nga NUP nga nagpasaka sang kaso batok sa iya Hepe sang pulis

ILOILO CITY — Suportado sang mga katapo sang Non-uniformed Personnel (NUP) sa Iloilo City Police Office (ICPO) ang nangin lihok ni May Flor Fernandez sa pagpasaka sang kaso administratibo batok sa Hepe sang Iloilo City Police Station 1.
Suno kay Eliver benitez, Presidente sang mga NUP sa syudad sang Iloilo ang reklamo batok kay PCI Aldrin Lamera ang naangot man sa iya pagdala sang mga tinawo kag indi man personal nga pagpanghingabot.
Paathag sini, Madugay na nga nangin NUP halin sa region si Fernandez kag wala sang kung ano man nga record nga makahambal nga nangin pabaya ini sa iya katungdanan.
Dapat maintindihan sang publiko suno kay Benitez nga indi basta-basta ang trabaho sang mga NUP nga lain naman ang nature sa trabaho sang uniformed personnel sang PNP.