ILOILO CITY – Magasaksi ang kapin 20 ka mga obispo gikan sa nagkalain-lain nga bahin sang pungsod para sa canonical possession ukon pormal nga pagpungko ni Archbishop-elect Jose Romeo Lazo bilang bag-o nga arsobispo sang Archdiocese sang Jaro, buwas nga adlaw.
Sa interview sang Bombo Radyo, ginpahayag ni Fr. Angel Colada, communications director sang Archdioceses of Jaro, magluwas sa mga obispo gikan sa nagkalain-lain nga mga archdioceses, magabuylog man ang mga pari nagikan sa isla sang Panay ilabi na ang nagikan sa Antique kag Kalibo.
Nahibaluan nga nangin Bishop of Kalibo man si Lazo kag antes napilian nga magbulos kag Archbishop Emeritus Angel Lagdameo, nagserbe si Lazo bilang Bishop of San Jose sa Antique.
Samtang ginpa-alinton man ni Fr. Colada sa publiko nga indi mahimo mag-park ang mga salakyan sa compound sang Jaro Cathedral karon sa hapon tubtob buwas nga adlaw.
Suno kay Colada, pahamtangan sang mga wide screen ang guwa sang cathedral para sa mga tumuluo nga indi makasulod bangud sa ginalauman nga pag-gilinutok buwas sa simbahan.
Mahimo suno kay Fr. Colada nga mag-parking ang mga salakyan sa St. Vincent Ferrer seminary.