ILOILO CITY – Tuman ang pagpasalamat sang mga repatriated Overseas Filipino Workers nga na stranded bangud sa Coronavirus Disease 2019 bangud matapos ang pila ka binulan naka pauli na sila sa ila tagsa ka mga kabanhawanan.
Sa interview sang Bombo Radyo kay Ricky Sioson, isa sa mga gin repatriate ng Overseas Filipino Worker iya ginpahayag nga apisar tuman ka sakit sa bulsa ang ila pagpauli bangud sila mismo ang nagbayad sa chartered flight nga ila ginsakyan tuman sa gihapon kasadya ang iya nabatyagan bangud malapit nalang sila sa ila pamilya.
Suno kay Sioson, yara na sya subong sa Leon Central School samtang ginahulat ang resulta sang iya PCR test kag matapos ang 14 ka adlaw nga quarantine.
Nanawagan naman ang natungdan sa Overseas Workers Welfare nga hatagan sang igtalupangod ang mga nabilin pa nga mga Overseas Filipino Workers nga tubtob subong stranded man sa gihapon agud makapauli na sila sa ila tagsa ka mga probinsya.
