Nagalaum ang mga Overseas Filipino Workers (OFWs) sa Qatar nga mangin malinong ang pagsaulog sang mga ini sang Holy Week.
Nahibaluan nga halos isa na ka semana nga wala sang pagpang-atake nga nabatun ang Qatar halin sa Iran.
Suno kay Bombo international correspondent Joseph Rivera direkta sa Qatar, iya ginpakigbahin nga ika-7 na subong nga adlaw nga wala ang mga ini nakabaton sang missile halin sa Iran kag amat-amat naman nga nagabalik sa normal ang pagsinalayo sang pumuluyo sang amo nga pungsod.
Apisar sang positibo nga sitwasyon, nagpaandam sa gihapon ang Qatari government sa ila nasakpan nga indi magsalig sang husto, bangud wala pa gihapon nag-untat ang pagbaslanay sang Iran kag Amerika.
Ginpasangkad naman sang kaiping nga mga pungsod sang Iran ang ila military defense lakip na diri ang Qatar.
 sa Qatar nga mangin malinong ang pagsaulog sang mga ini sang Holy Week.){kind=link}