Ginabanta kapin 15 ka porsyento pa sa mga operators sa syudad ang indi myembro sang kooperatiba nga indi na pagpahanugutan nga magbyahe ang ila mga unit kun ipatuman na ang Local Public Transport Route Plan (LPTRP) sang Iloilo City.
Sa interview sang Bombo Radyo kay Raymundo Boyet Parcon, presidente sang Iloilo City Loop Alliance of Jeepney Owners and Drivers Association ( ICLAJODA) kag chairperson sang Western Visayas Transport Cooperative, iya ginpahayag nga madamo sa mga operators ang wala nagapati nga mapatuman sang gobyerno ang modernization program.
Suno kay Parcon, ginalauman sa gihapon sang mga operators nga indi sarang sang gobyerno nga dulaon ukon i-phase out ang mga traditional jeepneys.
Kun mapatuman na ang LPTRP, mahimo nga tubtob na lang sa Abril 30 ang pagbyahe sang mga indi myembro sang kooperatiba bangud indi na nila sarang nga ma-renew ang ila prangkisa.
