ILOILO CITY – Mismo si Iloilo City Councilor Rudolph Ganzon, chairman sang Commitee Tourism, Culture and Historical Affairs sa Sanguniang Panglungsod, ang nagpanguna sa pagpasumpa sang tanan nga opisyal kag empleyado sang Iloilo City Hall sa pagsunod sa “Cle-Go” ukon Clean as you go Resolution.
Ini ang may kaangtanan sa kampanya sang Iloilo City Government sa paglab-ot sang ginaduso nga Cleaner Iloilo City.
Ang oathtaking ang natabo kadungan sang flag raising ceremony sa Iloilo City Hall.
Ang Clean as you go Resolution suno kay Ganzon ang napasar sang Nobyembre 2019.
Santo sa kaundan sang ginsumpaan sang mga opisyal kag empleyado, kinahanglan nga magbinuligay ang tanan agud nga mapabilin ang katinlo sa syudad sang Iloilo ilabi na kun may ginapatigayon nga aktibidad.
