ILOILO CITY–Pasakaan sang sampaw-sampaw nga kaso sang probinsya sang Guimaras si anay Guimaras Vice Governor Vicente de Asis.
Ini ang kasunod man sang akusasyon sa mga opisyal sang probinsya sa paggamit sang P264 million nga pondo sang probinsya agud igasto sa 2016 elections.
Sa interview sang Bombo Radyo, ginpahayag ni Guimaras Vice Gov. John Edward Gando nga lakip sa ila ipasaka nga kaso kay de Asis amo ang indirect comtempt, libel kag paglapas sa code or professional responsibility via disbarment case.
Suno kay Gando, mas nagapabaskog pa sa ila ipasaka ng kaso amo ang pagpanginwala ni Integrated Bar of the Philippines (IBP) president Abdiel Dan Fajardo nga ini ang nakatukib sa ginapahayag anomaliya nga nagakatabo pondo sang probinsya.
Matandaan nga una na nga ginpahayag ni de Asis nga si Atty. Fajardo ang nagbulgar nga may natabo nga anomaliya sa pondo sang Guimaras sang tuig 2016.
Gin athag naman ni Gando nga ang annual appropriation sang 2016 ang nagadangat lang sa P226 million.