Nagakabalaka ang mga Lebanese subong nga mahimo magkulang ang medical supplies sa mga ospital bangud sa nagadugang nga mga pasyente ang ginadala.
Suno kay Firass Abiad, CEO sang Rafik Hariri University Hospital, indi niya mapat-od kun bala makakita pa siya sang mga survivors ukon lunsay mga bangkay na lang ang makita niya nga ginadala sa ospital.
Pahayag niya, bangud sa financial crisis tuga sang COVID-19 kag natabo pa ang insidente, yara na sa manubo nga lebel ang medical supplies.
Ginatinguhaan gid sang ospital nga mahimo ang ila ikasarang apang kun wala sa gihapon sang bulig nga maabot dugang sang natungdan, wala na sila sang may mahimo pa.
Ang iban kuntani sa mga nurse kag doktor ang mapauli na bangud tapos na ang ila duty apang bangud sa natabo, nagbalik sila sa mga ospital agud nga mabuligan ang mga pasyente.
