ILOILO CITY – Hugot nga ipatuman sang mga otoridad ang minimum health protocol kadungan sang pista ni Nuestra Seรฑora de la Candelaria ukon Feast of the Our Lady of the Candles.
Sa interview sang Bombo Radyo kay Pol Lt. Col. Reuben Siason, hepe sang Jaro Police Station, iya ginpahayag nga hugot sila nga magabantay sa mga pumuluyo ilabi na ang pagsunod sa phyiscal distancing.
Suno kay Siason, naghingyo sila sa mga opisyal sang Association of Barangay Captains (ABC) sa Jaro district agud magbulig sa pagbantay sa posible pagdugok sang mga tawo nga magatambong sa fiesta.
Isa man sa indi malikawan suno kay Siasion, amo ang pag-inom sang makahulubog nga ilimnon sa diin dako ang posibilidad nga maglatnanay ang COVID-19.
Nagpanugyan naman ang hepe sa mga pumuluyo nga magsunod sa tanan nga health protocol kaangay sang pagsuksok sang face mask, paghugas sang mga kamot, kag pag disinfect bag-o magkaon.
Matandaan nga una na nagpanugyan ang COVID-19 Team sang Iloilo City Government nga ipatake-out nalang ang mga pagkaon sa mga bisita kag isulod sa foam food container.
