Kun kaisa diri sa aton sa syudad sang Iloilo, naga-ugtas ang aton nga mga otoridad bangud sa mga nagaliho-liho kag nagapangkayo-kayo sa dalan.
Apang sa Okinawa, Japan mas naga-ugtas pa gid didto ang mga otoridad bangud sa ginatawag nila nga “rojo-ne” ukon “sleeping on the road” phenomenon.
Imagine mga ka-Bombo, gab-i na kag mapauli kana sa inyo balay samtang nagamaneho sang imo salakyan sang gilayon ka nga may nakit-an nga tawo nga nagahigda sa tunga sang dalan.
Sang 2019, 7,000 ka mga kaso ang na rekord sang provincial police kag ang iban diri ang nag resulta pa sa pagkapatay.
Apisar nga madamo na sang mga paamaagi ang ginhimo sang mga pulis kaangay sang pagbutang sang multa sa sin-o man ang makit-an nga nagakatulog sa dalan, wala ini sa gihapon sang pagbag-o kag kaangay nga mas naglala pa ang sitwasyon.
Ano ayhan ang rason kun ngaa nagakatulugan sa dalan ang mga tawo didto sa Okinawa?
Pila sa mga ginalantaw rason sang otoridad amo ang impluwensya sa alcohol kag ang klima.
Ang iban nga tawo nga nagahigda sa dalan agud nga makapa-bugnaw sa diin may yara sang tatlo ka mga kababainhan ang naghublas pa sang ila nga panapton.
Delikado man nga pukawon ang mga rojo-ne offenders bangud kun kaisa, nagapangita ini ang away gani gina-abisohan sang kapulisan ang mga driver nga pasigahon ang emergency lights sang ila salakyan kag tawgan ang pulis.
Gani kun magkadto ikaw sa Okinawa ukon sa mga ka-Bombo nga yara na dira, mag-focus sa pagmaneho, siguraduhon nga ang imo mata ang nakatutok sa dalan bangud mahimo nga may isa ka tawo na naman ang magdumdom nga katre ang iya ginahigdaan.
(Photos from Okinawa Prefectural Police’s Yaeyama Police Station via Oddity Central)
