ILOILO CITY- Kinahanglan nga mahatagan sang oportunidad sa komunidad ang mga pamatan-on bangud dako ang papel nga ila ginatungdan sa Nation Building.
Ini ang may kaangtanan sa pagsaulog sang International Youth Day sa maabot nga Agosto 12, 2020.
Sa interview sang Bombo Radyo kay Positive Youth Development Network Executive Director Alfred Dicto, iya ginpahayag nga madamo na sang nabulig ang mga pamatyan-on sa komunidad partikular na subong nga may yara sang pandemya.
Suno kay Dicto, lakip sa mga nabulig sang mga kabataan kag pamatan-on amo ang pagpanghatag sang mga facemask sa kag pagpanghatag sang mga school supplies sa estudyante.
Kuntani suno kay Dicto, mas mahatagan pagid ang dako nga oportunidad kag matutukan ang mga kabataan kag pamatan-on agud mas makabulig pa sa mga nagakinahanglan.
Nahibaluan nga las 12:00 sang udto tubtob 1:00 sa hapon sa Agosto 12 ang youth hour sa diin ipakita pinaagi sa virtual presentation ang mga nahimu-an ukon nabulig sang mga pamatan-on sa pungsod.
