ILOILO CITY – May yara sang scheduled roving ang mga barangay tanod sang Banuyao, La Paz, Iloilo City apang ginabantayan lamang sang mga pamatan-on nga makakuha sang oportunidad agud nga magpangawat.
Ini ang pahayag sang barangay official kasunod sang natabo nga pagpangransak sang isa ka balaligyaan sang buko juice sa lugar.
Sa interview sang Bombo Radyo kay Punong Barangay Ruby Ann Geanga, iya ginpahayag nga ang grupo sang mga pamatan-on nga masabad sa barangay ang ginasuspetsahan nga amo ang nagsulod sa pwesto sang buko juice vendor.
Dugang pa ni Geanga, ang ini nga apat ka mga pamatan-on ang ginasuspetsahan man nga nagapangkawat sa lugar.
Ini sila ang nagapakunu-kuno nga nagapang-scrap halin sa kaiping nga barangay.
