ILOILO CITY- Gamay nga indi paghangpanay ang kabangdanan sang natabo nga rambol sang mga pamatan-on sa Smallville Complex, Mandurriao, Iloilo City sang damlag lang.
Sa interview sang Bombo Radyo kay PCapt Val Cambel, hepe sang Mandurriao Police Station, iya ginpahayag nga base sa ila imbestigasyon, 4 tubtob lima ka mga pamatan-on lang ang involved sa ginamo.
Suno kay Cambel, nagsugod ang pagbaisay sa sulod sang convenience store tubtob nga nag-abtanay ang mga ini sa gwa kag didto nag nagtinapungulay rason nga nakaagom man ang mga ini sang minor injuries.
Ginpahayag naman ni Cambel nga sang nag-atubangay na ang mga involved sa kinagamo, nagsugtanay na man lang ang mga ini nga i-settle ang natabo kag nagpabutyag nga wala sang plano nga magpasaka sang kaso ang magtimbang nga bahin.
