Nagpakigkita ang mga pamilya sang 34 ka ‘Missing Sabungeros’ sa whistleblower nga si Julie “Dondon” Patidongan, nga nagbuyagyag sang pila ka personalidad nga ginadudahan nga may kahilabtanan sa kaso, kag nagsumiter sila sang mga bag-o nga sinumpaang salaysay sa opisina sang CIDG sa Camp Crame.
Suno kay Charlene Lasco, utod sang missing sabong master agent nga si Ricardo “Jon-Jon” Lasco, ang testimonya ni Patidongan naghatag sang bag-o nga paglaum sa mga pamilya nga sa sulod sang apat ka tuig nga pagpangita sang hustisya.
Ginpasalamatan sang mga pamilya ang inter-agency sa kooperasyon kag pagpasanyog sang imbestigasyon kag nagapati sila nga sa pihak sang ila kabudlayan, posible na nga mahibaluan ang kamatuoran.
Ginalauman man nila nga ang ginahiwat nga ‘retrieval operations’ sa Taal Lake magapadulong sa kasanag kag hustisya para sa ila mga nadula nga hinigugma.
