ILOILO CITY – Matunog na nga nagagwa ang pangalan sang pila ka mga personalidad nga nagsuporta sa kandidatura ni presumptive president Ferdinand “Bongbong” Marcos Jr ang magabug-os sa kabinete sini.
Una na nga ginkumpirmar ni presumprive vice president Sara Duterte-Carpio nga mangin tiglikom ini sang Department of Education (DepEd).
Ang iban pa nga mga pangalan nga nagagwa amo sanday:
House Energy Committee Chair kag Pampanga 2nd District Representative Juan Miguel ‘Mikey’ Arroyo nga amo ang mangin Energy secretary; si Atty. Vic Rodriguez nga spokesperson ni Marcos ang ginapahayag nga mangin Executive secretary; si Secretary Cesar Purisima ukon si Mr. Jose Arnolfo Veloso kag isa pa ka personalidad ang ginapili-an nga mangin Finance secretary; si Prof. Clarita Carlos ang Foreign Affairs secretary; si Dr. Edsel Salvana ang ginaduso nga mangin Health secretary; si anay Metro Manila Development Authority (MMDA) chairman kag campaign manager ni Marcos nga si former Mayor Benjamin Abalos Jr. ang magapungko bilang Department of Interrior and Local Government (DILG) secretary; si Cong. Rodante Marcoleta ang magapungko bilang secretary sang Department of Justice; si former labor and migration rights advocate Toots Ople ang magapungko bilang secretary sang Department of Labor and Employment; si Southern Leyte Rep. Roger Mercado nga amo ang secretary sang Department of Public Works and Highways (DPWH) ang ginapanan-aw nga magapabilin sa pwesto; si Dr. Carlo Arcilla ang ginapanan-aw nga mangin tiglikom sang Department of Science and Technology (DOST); si Dr. Arsenio Balisacan ang mangin director-general sang National Economic and Development Authority (NEDA); si Atty. Karen Jimeno ang mangin spokesperson; si Mr. Jose Arnulfo Veloso ang mangin Trade and Industry secretary kag magapabilin nga transportation secretary si Arthur Tugade.
Ginapili-an naman nga mangin house speaker sanday Rep. Lord Allan Velasco, former president kag Pampanga Rep. Gloria Macapagal-Arroyo kag Leyte 1st district Martin Romualdez
Una na nga ginpahayag ni Atty. Vic Rodriguez nga pabor si presumptive president Marcos nga i-appoint nga mangin kabahin sang kabinete ang paryente ni Marcos sa kondisyon nga kwalipikado ini santo sa layi.
