ILOILO CITY – Tuman ka laba ang pila sang mga pasahero sa mga terminal sa syudad sang Iloilo subong nga gab-i.
Kalabanan sa mga pasahero ang halin sa trabaho kag naghingagaw sa pagpauli sa ila tagsa ka mga balay para sa pagsaulog sang tigkalalag.
Sa interview sang Bombo Radyo kay Ricardo Maulit, konduktor sang Ceres Bus, iya ginpahayag nga regular ang ila biyahe kag wala man sang pagsaka sa pamasahe.
Suno kay Maulit, bangud nga sa tagsa ka tigkalalag ginalauman na ang pagdagsa sang pasahero, nagakadapat nga magpadulong sa mga terminal sa mas temprano.
Ginpahayag ni Maulit nga 9:45 sa gab-i ang last trip sang Ceres bus samtang 2:30 naman sa kaagahon ang first trip, depende sa ruta.
