ILOILO CITY- Mahimo pa nga makahingagaw nga makabyahe ang mga pasahero halin sa Iloilo City pakadto sa Bacolod City and vice versa subong nga adlaw apisar ginpaidalom na sa Modified Enhanced Community Quarantine ang Iloilo City umpisa kahapon Mayo 23 tubtob Mayo 31.
Sa interview sang Bombo Radyo kay Engr. Antonio Belarga, Engineering Services Division Manager sang Philippine Ports Authority, iya ginpahayag nga buas, Mayo 25 pa magasugod ang pagpatuman sang border control sa diin ini na pagtugutan ang byahe nga Iloilo City-Bacolod City ukon Iloilo City- Negros Occidental and vice versa bilang tikang agud indi na madugangan ang nagataas nga kaso sang COVID-19 sa syudad.
Suno kay Belarga, base sa executive order nga gin-isyu ni Iloilo City Mayor Jerry Trenas angot sa border control, ang mga Authorized Persons Outside Residence (APOR) lang ang mahimo makabyahe magluwas pa sa mga essential goods kag cargoes.
Sa bahin naman sang Dumangas port, ginpahayag ni Belarga nga ginahulat pa nila ang mangin disposisyon ni Iloilo Governor Arthur Defensor Jr. kun may kaangay nga pagsulundan man nga ipatuman.
