ILOILO CITY – Madamo nga mga pasahero ang na-stranded subong nga gab-i, Setyembre 25, sa palibot sang syudad sang Iloilo bangud sa 1-meter nga physical distance sa tanan nga Public Utility Vehicles.
Kalabanan sa mga pasahero ang magapauli pa sa probinsya sang Iloilo samtang may iban naman nga magabalik sa syudad sang Iloilo apang bangud nga limitado lamang sa pito ang mahimo nga makasakay sa tagsa ka de-pampasahero nga jeep, madamo ang wala nakasakay.
Kalabanan sa mga pasahero ang mga empleyado rason nga hapon ukon kasisidmon na kun maka-out sa trabaho.
Agud nga indi na makadugang sa pagdinaguso sa pagbantay sang salakyan, ang iban nga may yara sang salakyan ang nagapasugat na lang agud nga gilayon nga makapauli.
Magluwas sa ginapatuman nga one seat apart policy, ang iban sa mga driver ang wala na nagbyahe bangud sa tuman ka pigado nga kita.
