ILOILO CITY– Tuman ang kaugot sang mga pasahero sang fastcraft nga Supercat bangud madugay ng abot ang rescue team sang coast guard kun sa diin halos tatlo sila ka oras nga nagpa-utaw-utaw sa tungan sang lawud sa bahin sang San Lorenzo Guimaras.
Sa interview sang Bombo Radyo kay Mr. Judie Fabular, isa ka manunudlo kag pasahero sang supercat, iya ginpahayag nga halos tatlo sila ka oras nga nagpautaw-utaw sa dagat.
Suno kay Fabular tuman ang kakugmat kag kakulba ang ila nabatyagan bangud nga mabaskog pa ang hangin kag naga-inulan samtang nagahulat sila sang marescue sa ila.
Matapos sang tatlo ka oras suno sa iya nag-abot ang tugboat nga matow sang supercat pabalik sa Bredco port sa Bacolod City nga amu ang pinakamalapit nga port nagikan sa lugar kun sa diin na stranded ang sakayan.
Pahayag ni Fabular, sang naka-abot na sila sa sa port, ginpangayuan niya sang sabat ang katapo sang Philippine Coast Guard (PCG), apang ginsabat lang siya nga ginamonitor sila pinaagi sa radyo.
Gintuad man sa iya sang nasambit nga coast guard officer nga wala man sa gilayun nagpahibalo ang management tuhoy sa natabo sa ila vessel.
Nahibaluan nga ginpabayad pagid sila sang terminal fee sang nagbalik sila sa Bredco port apisar nga nakabayad na sila antes pman natabo ang insidente
