ILOILO CITY – May mga pasaway sa gihapon nga vendors nga wala nagasunod sa ginapatuman nga health protocols sa mga merkado sa syudad sang Iloilo.
Sa interview sang Bombo Radyo kay Maricel Mabaquiao, pinuno sang Local Economic and Enterprise Office, iya ginpahayag nga sang naglibot siya sa mga merkado sa syudad, may yara sang wala nagasuksuk sang face shield kag face mask.
Magluwas sini, may yara man sang wala nagasunod sang physical distancing.
Kaangot sini, ginapsigurado ni Mabaquiao nga ginatutukan sang mga market in-charge ang nasambit nga problema.
Nagpanugyan man ang natungdan ilabi na sa vendors nga indi magkampante kag magsunod sa health protocols agud malikawan ang COVID-19.
