Nagaalalawas na ang mga pasyente sa ospital sa HongKong bangud sa pagsaka sang kaso sang COVID-19.
Suno kay Bombo International Correspondent Joy Alcubilla,– direkta sa Hongkong, madamo na sa mga pasyente ilabi na ang mga tigulang naga nagahulat sa malaba nga pila sa gwa sang ospital.
Suno kay Alcubilla, nagsugud ang pagsaka sang kaso sang COVID-19 matapos ang holiday season.
Isa ka COVID positive ang nagpadulong sa restaurant kag dito na nagsugud ang madasig nga paglapta sang virus.
Nagpasalig naman ang HongKong government nga makontrol na ang sitwasyon kag pagtaas sa kaso sang COVID-19 sa sulod sang pila ka adlaw.
Ginalimitahan man ang paggwa sang mga tawo agud nga malikawan ang paglatnanay sang virus.
Madamo naman sa mga Pinoy sa amu nga pungsod ang nagpositibo sa COVID-19.
