ILOILO CITY – Ginapatihan nga indi nagikan sa Barangay Calubihan, Jaro, Iloilo City ang mga patay nga baboy nga nasapwan nga nakasulod sa sako.
Sa interview sang Bombo Radyo kay Punong Barangay Rodney Guintibano, iya ginpahayag nga wala naga-ilig sang maayo ang suba rason nga nagtinir ang amo nga sako sa nasambit nga creek.
Kung balik-balikan, napatay ang mga baboy sang isa ka barangay kagawad kag gin-abisuhan nga ilubong nalang.
Sa amo man nga adlaw nakita ang ginhaboy nga baboy sa creek.
Suno pa kay Guintibano, kuntani, ginlubong ang mga patay nga baboy sa baylo nga ihaboy sa creek.
